Formation · تكوين

تعلّم مهارة… وردّها مدخول

دورات و bootcamps بالدارجة باش تبدا من الصفر، حتى ولو ما عندك حتى خبرة. نعلموك مهارات رقمية مطلوبة في السوق، ونوريولك كيفاش تحوّلها لفرص خدمة ومدخول.

شوف الدوراتاحكي معانا
  • بالدارجة
  • من الصفر
  • شهادة إتمام
طالب تعلّمو معانا
+50
دورات متوفرة دركا
2
دورات جاية قريباً
+9
تخفيض للطلبة
-20%

كيفاش نقريو؟

دليل خطوة بخطوة

تتبّع دليل واضح ومرتّب، كل درس يبني على اللي قبلو. عمرك ما تتلف ولا تحس روحك وحدك.

تعلّم بالمهام

في كل مرحلة عندك مهمة تديرها بيدك. ماشي غير تتفرج، تطبّق وتتعلم من الغلطات ديالك.

مشاريع وشهادة

المهام يتجمعو ويوليو مشاريع توريها للزبائن، وفي اللخر تاخذ شهادة إتمام الدورة.

ليمن هي Earnify؟

هادي ليك إذا…

Earnify منصّة تكوين جزائرية تعلّمك مهارات رقمية مطلوبة، من الصفر وبالدارجة، وتوريلك كيفاش تحوّلها لفرص خدمة ومدخول. ما يهمش واش قريت ولا واش خدمت من قبل، المهم تكون حاب تتعلم وتتعب على روحك.

ما عندك حتى مهارة

ماشي مشكل. نبداو معاك من الأساسيات، نشرحولك كل مصطلح بالدارجة، وما نفترضو حتى حاجة. كل خطوة مبنية على اللي قبلها باش تتقدم بثقة.

راك طالب جامعي

تقرا في LMD ولا ING ولا مدرسة عليا وحاب تفهم الألغوريتميك والبرمجة مليح؟ عندنا دورات منظّمة تعاونك في الدراسة وتحضّرك لسوق الخدمة، وبسعر خاص للطلبة.

ما عمرك خدمت أونلاين

نفهموك كيفاش يخدم الفريلانس: وين تلقى الزبائن، كيفاش تقدّم خدمتك وتسعّرها، وكيفاش تخلص بطريقة آمنة. كلش بأمثلة من الواقع الجزائري.

حاب تربح من الدار

مهارات رقمية تقدر تخدم بيها من أي بلاصة، غير بلابتوب وكونكسيون. تنجم تبداها جنب الدراسة ولا الخدمة ديالك، وتكبّرها شوية بشوية.

المهارات

واش نعلموك؟

مهارات مطلوبة في السوق، نختاروها على حساب واش يطلبو الزبائن والشركات اليوم.

الأتمتة والذكاء الاصطناعي (Automation)

قريباً

تعلّم كيفاش تخلّي الأدوات تخدم في بلاصتك: تربط التطبيقات ببعضها، تأتمت المهام اللي تتعاود كل يوم، وتستعمل الذكاء الاصطناعي باش تبني حلول توفّر الوقت للشركات والمحلات. مهارة مطلوبة بزاف وقليل اللي يتقنوها.

  • n8n
  • Make
  • Zapier
  • ChatGPT
  • Google Sheets
  • WhatsApp API
متوفرة دركا

تطوير المواقع

HTML و CSS و JavaScript، وتبني مواقع حقيقية ومتجاوبة مع التيليفون تقدر تبيعها للمحلات والشركات.

متوفرة دركا

الخوارزميات والبرمجة

التفكير الخوارزمي، هياكل البيانات وحل المشكلات. الأساس اللي يحتاجو كل مبرمج وكل طالب جامعي.

قريباً

التصميم الغرافيكي

لوغوات، بوستات سوشل ميديا وهوية بصرية كاملة، بالقواعد اللي يخدمو بيها المصممين المحترفين.

قريباً

مونتاج الفيديو

ريلز، تيك توك ويوتيوب: القص، الصوت، السوبتيتر والإيقاع اللي يخلّي الناس تكمّل تتفرج.

قريباً

السوشل ميديا

تسيير صفحات البراندات، تخطيط المحتوى والإعلانات الممولة في فيسبوك وإنستغرام.

قريباً

الفريلانس

كيفاش تبني بروفايل، تلقى الزبائن، تسعّر خدمتك وتتعامل معاهم باحترافية.

3 خطوات

كيفاش تبدا؟

  1. اختار الدورة

    شوف الدورات المتوفرة، المدة، النوع والسعر، واختار اللي تناسبك.

  2. تواصل معانا في واتساب

    نأكدولك البلاصة، نجاوبو على أسئلتك ونبعثولك تفاصيل الدفع والمواعيد.

  3. ابدا التكوين وخوذ شهادتك

    تبدا تتعلم مع المتابعة ديالنا، وكي تكمّل الدورة بنجاح تاخذ شهادة إتمام.

التسجيل مفتوح

الدورات المتوفرة دركا

شوف كامل الدورات
دورةالتسجيل مفتوح

تطوير المواقع (Web Development)

تبني مواقع حقيقية ومتجاوبة مع التيليفون بـ HTML و CSS و JavaScript، وتخرج بمشاريع في البورتفوليو تقدر تبيع بيها خدماتك للزبائن.

واش تتعلم؟

  • أساسيات HTML و CSS
  • JavaScript من الصفر
  • تبني موقع كامل وتنشرو
  • كيفاش تلقى أول زبون

شهادة إتمام في آخر الدورة

هدية: حساب LinkedIn Premium لمدة 3 أشهر
سعر الطلبة9990 دج7992 دج-20%
المدة
6 أسابيع
النوع
أونلاين
السعر
9990 دج
سجّل في واتسابتفاصيل الدورة
دورةالتسجيل مفتوح

الخوارزميات وهياكل البيانات

لطلبة LMD و ING والمدارس العليا

طوّر مهاراتك في التفكير الخوارزمي وحل المشكلات، وتعلّم أساسيات البرمجة وهياكل البيانات بطريقة منظمة وتدريجية، من خلال محتوى يناسب طلبة الجامعة من جميع تخصصات LMD، وطلبة ING والمدارس العليا (Écoles Supérieures)، وحتى المهتمين بالبرمجة من خارج المجال.

واش تتعلم؟

  • التفكير الخوارزمي وحل المشكلات
  • أساسيات البرمجة
  • هياكل البيانات الأساسية (Static & Dynamic)
  • Recursion وتحليل التعقيد (Complexity Analysis)

شهادة إتمام في آخر الدورة

سعر الطلبة5000 دج4000 دج-20%
المدة
4 أسابيع
النوع
أونلاين
السعر
5000 دج
سجّل في واتسابتفاصيل الدورة
أنواع التكوين

أونلاين ولا حضوري؟ اختار اللي يناسبك

تكوين أونلاين

تتعلم من الدار ولا من أي بلاصة في الجزائر، على حساب الوقت ديالك.

  • تتبّع الدروس من التيليفون ولا الكمبيوتر
  • مهام تطبيقية ومتابعة لكل مهمة
  • مجموعة خاصة باش تطرح أسئلتك
  • يناسب الطلبة واللي يخدمو

تكوين حضوري

حصص في القاعة مع المكوّن، لي يحبو يتعلمو وجهاً لوجه.

  • شرح مباشر وتصحيح في البلاصة
  • تطبيق على الكمبيوتر مع المكوّن
  • جو جماعي وتعارف مع ناس كيفك
  • العنوان والمواعيد نبعثوهم في واتساب

نوع كل دورة مكتوب في البطاقة ديالها. إذا الدورة متوفرة بالجوج، تختار واش يناسبك.

علاش Earnify؟

ماشي غير تتعلم… تتعلم كيفاش تربح

بالدارجة وبطريقة بسيطة

مرافقة ومتابعة

مهارات تفتحلك فرص حقيقية

شهادة إتمام

أسئلة

عندك سؤال؟

لازم يكون عندي خبرة باش نبدا؟

لا. الدورات مصممة لناس ما عندهم حتى مهارة وما عمرهم خدمو أونلاين. نبداو معاك من الأساسيات.

واش نحتاج باش نبدا؟

حسب الدورة، في الغالب PC أو لابتوب وكونكسيون. نقولولك بالضبط كي تبعثلنا في واتساب.

الدورات أونلاين ولا حضوري؟

عندنا جوج أنواع. الأونلاين: تتبّع الدروس من أي بلاصة، مع مهام تطبيقية، متابعة ومجموعة خاصة للأسئلة. الحضوري: حصص في القاعة مع المكوّن، شرح وتصحيح مباشر وجو جماعي، والعنوان والمواعيد نبعثوهم في واتساب. نوع كل دورة مكتوب في البطاقة ديالها.

واش ناخذ شهادة؟

إيه. كي تكمّل الدورة بنجاح وتنجز المهام المطلوبة، تاخذ شهادة إتمام من Earnify تقدر تحطها في الـ CV ولا في LinkedIn.

شحال السعر؟ وكاين تخفيض للطلبة؟

السعر مكتوب في كل دورة، والطلبة عندهم تخفيض خاص (20%). وبعض الدورات فيها هدايا، كيما حساب LinkedIn Premium لمدة 3 أشهر مع دورة تطوير المواقع.

واجد تبدا؟

ابعثلنا رسالة دركا ونعاونوك تختار الدورة المناسبة ليك.

ابعثلنا في واتساب